გამოცემა “NRC-ი”: “ევროპარლამენტარი რადოსლავ სიკორსკი არაბეთის გაერთიანებული საამიროებისგან წელიწადში €93 ათასს იღებს და ხშირად ხმას ისეთ გადაწყვეტილებებს აძლევს, რაც საუდის არაბეთისთვის ხელსაყრელია”

ევროპარლამენტარი რადოსლავ სიკორსკი, წელიწადში რამდენჯერმე, არაბთა გაერთიანებულ საამიროებში ძვირად ღირებულ კურორტებზე ისვენებს და ქვეყნისგან ყოველწლიურად 93 ათას ევროს იღებს იმისთვის, რომ “Sir Bani Yas Forum-ის” კონფერენციას, მრჩევლის რანგში, კონსულტაციები გაუწიოს. ინფორმაციას ნიდერლანდური გამოცემა “NCR-ი” აქვეყნებს.

გამოცემის ინფორმაციით, ევროპარლამენტში კატართან დაკავშირებული კორუფციული სკანდალის ფონზე დეპუტატების ფინანსური კავშირები უცხო ქვეყნებთან ყურადღების ცენტრში მოექცა. “NCR-ის” ანალიტიკოსებმა ევროპარლამენტში პოლონეთის საგარეო საქმეთა ყოფილი მინისტრის კენჭისყრებში მონაწილეობა შეისწავლეს და დაასკვნეს, რომ სიკორსკი ხშირად ხმას ისეთ გადაწყვეტილებებს აძლევს, რაც საუდის არაბეთისთვის ხელსაყრელია, თუმცა, ხშირ შემთხვევაში, მისი გადაწყვეტილებები თავისი პოლიტიკური ჯგუფის – „ქრისტიან-დემოკრატების“ პოზიციისგან არ განსხვავდება.

თავად სიკორსკი გამორიცხავს იმას, რომ მისი გადაწყვეეტილებები კენჭისყრებზე საამიროებისგან მიღებულ ფინანსებზეა დამოკიდებული.

შეგახსენებთ, რომ ვლადიმერ სიკორსკი ამერიკელი ჟურნალისტის – ენ ეპლბაუმის მეუღლეა, რომელმაც რამდენიმე დღის წინ მიხეილ სააკაშვილთან დაკავშირებით სტატია გამოაქვეყნა, სადაც აღნიშნულია, რომ ექსპრეზიდენტს საბჭოთა ციხეებისთვის დამახასიათებელი სტილით კლავენ.

The post გამოცემა “NRC-ი”: “ევროპარლამენტარი რადოსლავ სიკორსკი არაბეთის გაერთიანებული საამიროებისგან წელიწადში €93 ათასს იღებს და ხშირად ხმას ისეთ გადაწყვეტილებებს აძლევს, რაც საუდის არაბეთისთვის ხელსაყრელია” appeared first on POSTV.